chevron_left
-
play_arrow
Авторадио Бишкек 107.8FM
КҮНДҮН ЖАҢЫЛЫКТАРЫ
-
play_arrow
КҮНДҮН ЖАҢЫЛЫКТАРЫ Диана Дуйшоналиева
-
Лев Толстой көчөсүнүн тилкелери жабылганына байланыштуу 4 каттамдын маршруттук схемалары убактылуу өзгөртүлдү.
Муниципалитеттен билдиришкендей, 2-сентябрдан баштап Лев Толстой көчөсүнүн Асаналиев көчөсүнөн Бакаев көчөсүнө чейин жана Садырбаев көчөсүнөн Термечиков көчөсүнө чейинки бөлүгү убактылуу жабылгандыгына байланыштуу, 4 автобустук каттамдын маршруттук схемалары өзгөртүлдү.
- Өлкө аймагында “Рулда” рейди жүрүүдө. Жол кыймылынын коопсуздугун камсыздоо башкы башкармалыгынан билдиришкендей, айдоочуларды текшерүү сентябрдын аягына чейин уланат.
Өзгөчө көңүл ылдамдыкты ашыруу, мас абалында унаа башкаруу жана эрежелерди одоно бузуу фактыларына бөлүнөт. Ошондой эле жөө жүрүүчүлөр арасында түшүндүрүү иштери жүргүзүлөт. Бул иш-чаралар жол коопсуздугун камсыздоо жана аварияларды алдын алуу максатын көздөйт.
- Microsoft компаниясы Windows операциялык системасы үчүн колдонулган Word тексттик редакторуна чоң өзгөртүүлөрдү киргизүүдө. Эми колдонуучулар жараткан бардык жаңы документтер демейки боюнча автоматтык түрдө булут сактагычка сактала баштайт. Бул тууралуу The Verge басылмасы жазып чыкты.
Жаңы мүмкүнчүлүк файл түзүү жана сактоо процессин жеңилдетүүгө багытталган, мындан ары колдонуучулар булут функциясын кол менен күйгүзүүнүн зарылдыгы жок. Азырынча бул өзгөртүү Microsoft 365 Insiders программасына катталган колдонуучулар тарабынан тестирленүүдө. Мындайча айтканда, документ менен иштөөнү баштаганда эле автосактоо функциясы ишке кирет.
Мурдагыдай «Документ1» деген стандарттык аттын ордуна жаңы файлга ошол күндүн датасы негизинде ат коюлат. Колдонуучулар файлды каалагандай ат коюп, башка жерге сактоо мүмкүнчүлүгүн да мурдагыдай эле пайдалана алышат.
