chevron_left
-
play_arrow
Авторадио Бишкек 107.8FM
КҮНДҮН ЖАҢЫЛЫКТАРЫ
-
play_arrow
КҮНДҮН ЖАҢЫЛЫКТАРЫ Диана Дуйшоналиева
- Бишкекте курулуп жаткан эки ири объект расмий аталыштарга ээ болду.
Президенттин Иш башкармалыгынан билдиришкендей, жаңы курулуп жаткан, 51 миң орундуу стадион “Азаттык Арена”, ал эми заманбап конгресс-холл “Ырыс Ордо” деп аталат.
- Бишкектин Чүй-Шопоков көчөлөр кесилишиндеги курулуш иштери декабрда аяктайт. Буга ордо калаа мэри Айбек Жунушалиев ишендирүүдө.
Калаа башчысынын айтымында, шаар бийлиги аталган тилкеде унаа кыймылын жандантууга кызыктар, бирок курулуш бардык нормаларды жана технологиялык процесстерди сактоо менен аткарылышы керек. Эске салсак, аталган көчөлөр кесилишинде заманбап жер астындагы өтмөк курулууда.
- Таласта реконструкцияланып жаткан “Манас Ордо” комплексинде эпостогу окуялар 12D эффект менен көрсөтүлөт. Бул тууралуу президенттин облустагы өкүлчүлүгүнөн кабарлашты.
Андан такташкандай, иштердин алкагында музей кеңейтилип, жаңы муундагы экспозиция түзүлөт. “Манас” эпосундагы окуялар, Семетей, Сейтек жана чоролордун өмүр баяндары жаңы технология жолу менен чагылдырылат. Андан тышкары, туристтерди кабыл алуу үчүн коттедждер, жыйындар залы жана улакчылар үчүн аянтча курулат.