КҮНДҮН ЖАҢЫЛЫКТАРЫ

• Кыргызстанда жаңы үлгүдөгү паспорттор чыкты. Президенттин иш башкармалыгынан билдиришкендей, 2025-жылы чыккан биометрикалык документ дизайны жана коопсуздук деңгээли боюнча толугу менен жаңыланган, улуттук символиканы чагылдырат жана Жарандык авиация эл аралык уюмунун талаптарына жооп берет.

• Кара-Кече кенине жеке ташуучулардын киришине убактылуу чектөө киргизилди. “Кыргызкөмүр” мамлекеттик ишканасынан билдиришкендей, мындай чара көпүрдүн запасын толтуруу, бааларды турукташтыруу жана жарандарды жеткиликтүү баадагы кара отун менен камсыздоо максатын көздөйт.

  Ишкана жеке айдоочулар менен кызматташууга даяр, бул учурда алар социалдык отун базаларына көмүр ташып бериши керек болот. Өлкө рыногунда абал турукташып, запастар толукталгандан кийин жеке айдоочуларга киргизилген чектөөлөр алынат.

• Apple компаниясы өзүнүн гаджеттери үчүн кара түстөн толугу менен баш тартат. MacRumors порталы белгилүү инсайдер Instant Digital’ге таянып билдиргендей, Apple компаниясы келечектеги iPhone 18 Pro үчүн жаңы түстөрдү сыноодо.

Маалыматка ылайык, эксперименталдык түстөрдүн катарына бордовый, кочкул кызгылт көк жана кофе өңдөрү кирет — баары азыркы моделдерге салыштырмалуу терең жана жылуу түстөрдө.

Эске салсак, iPhone 17 Pro моделдеринде кара түс болбойт: смартфон күмүш (Silver), космостук кызгылт сары (Cosmic Orange) жана кочкул көк (Deep Blue) түстөрдө сунушталган. Мындай чечимдин себеби — түзмөктүн алюминий корпустары: кара түстөгү моделдерде сызыктар жана тырмоолор көрүнөө байкалган.