Кыргызстанда көмүрдүн баасы мамлекеттик жөнгө салууга алынат.

Бул тууралуу Экономика жана коммерция министрлигинен билдиришти.
Маалыматка ылайык, көмүрдүн баасынын өсүшүн алдын алуу жана калкка жеткиликтүүлүгүн камсыз кылуу үчүн 15-сентябрдан тартып өлкөдо көмүргө баа 90 күнгө мамлекеттик жөнгө салууга алынат. Монополдукка каршы жөнгө салуу кызматы бул чаранын аткарылышын көзөмөлдөйт.

Ош шаарында жаңы №49 муниципалдык автобус каттамга чыгат.

Түштүк калаа мэриясынан билдиришкендей, ал №149 кичи автобус каттамын алмаштырат жана кыймыл схемасы өзгөрбөйт.
Маршрут Мады айылынын аймактык борборунан Түштүк-Чыгыш кичи районуна чейин жүрөт. Жаңы автобустук каттам 19 коомдук транспорттун аялдамасын камтыйт.

Кыргызстан мобилдик интернеттин ылдамдыгы боюнча рейтингде 66-орунду ээледи.

Биздин өлкөдө дүйнөлүк тармактын орточо ылдамдыгы секундасына 41,22 мегабитти түзөт.
Эсептөөлөрдү Ookla компаниясы жүргүздү. Рейтингде биринчи орунда Бириккен Араб Эмираттары турат. Ал эми дүйнөдөгү эң жай интернет – Йемен мамлекетинде.