КҮНДҮН ЖАҢЫЛЫКТАРЫ

• Бүгүн жогорку окуу жайларга абитуриенттерди кабыл алуунун төртүнчү туру башталды
• “Түндүк” порталында дипломдордун санарип варианты жеткиликтүү болду
• “Рух санат” салттуу маданият жана музыка фестивалында жеңишке кыргызстандык “Акак” комузчулар тобу татыды

 

• Бүгүн жогорку окуу жайларга абитуриенттерди кабыл алуунун төртүнчү туру башталды. Ал 6-августка чейин уланат. Ал эми акыркы тур 11-августтан 13-августка чейин жүрөт.

  Үч турдун жыйынтыгы менен өлкөнүн жогорку окуу жайларына 25 миңден ашык абитуриент кабыл алынды. Анын ичинен 6 миң 100 студент бюджеттик негизде билим алат.

 

• “Түндүк” порталында дипломдордун санарип варианты жеткиликтүү болду. Бул тууралуу Агартуу министрлигинен билдиришти. Эми мамлекеттик органдар жарандардан кагаз түрүндөгү көчүрмөлөрдү берүүнү талап кылбастан, диплом тууралуу маалыматты электрондук форматта ыкчам ала алышат.

  Муну менен билим тууралуу маалыматтар ачык-айкын болуп, кагаз түрүндөгү документ жүгүртүү кыскарып, документтерди жасалмалоо тобокелдиги азаят.

 

 

• “Рух санат” салттуу маданият жана музыка фестивалында жеңишке кыргызстандык “Акак” комузчулар тобу татыды.  Маданият, маалымат жана жаштар саясаты министрлигинен билдиришкендей, аларга баш байге 500 миң сом тапшырылды.

Чолпон-Ата шаарында өткөн сынакка 14 өлкөдөн 82 катышуучу келген. “Рух санат” фестивалы эки жылда бир болот. Кийинкиси Жалал-Абад облусунда өтөт.