КҮНДҮН ЖАҢЫЛЫКТАРЫ

05.08.2025 12

Кыргызстанда айдоочу күбөлүгүн алмаштыруу процесси онлайн форматка өтүшү күтүлөт
Бишкектин көчөлөрүнө бир эле аталыш ыйгаруу сунушталууда
Бишкек – Бухарест түз аба каттамын ачуу маселеси талкууланды

Кыргызстанда айдоочу күбөлүгүн алмаштыруу процесси онлайн форматка өтүшү күтүлөт.
Тиешелүү тапшырманы министрлер кабинетинин төрагасы Адылбек Касымалиев берди.

Демилге ашыкча бюрократияны жоюу, жарандардын убактысын үнөмдөө максатын көздөйт. Процессти толугу менен онлайн форматка өткөрүп, бардыгы “Түндүк” тиркемеси аркылуу жүргүзүлүшү керек, — деди төрага.

Бишкектин көчөлөрүнө бир эле аталыш ыйгаруу сунушталууда. Тиешелүү токтом долбоору шаардык кеңештин сайтына жайгаштырылды. Анда Административдик-аймактык реформанын негизинде Бишкек кеңейгени, андан улам аталыштары бири-бирин кайталаган учурлар бар экени айтылган.
Ошондой эле бир көчө бир нече бөлүккө бөлүнүп, ар кандай аталып келет.

Мындай көрүнүш шаардык навигациянын логикасына туура келбейт жана шаар ичинде багыт алууда кыйынчылыктарды жаратат.

Жарандык авиация мамлекеттик агенттигинен билдиришкендей, бул боюнча Румынияда жолугушуулар өттү.
Анда аба каттамдары боюнча өкмөттөр аралык келишимге кол коюу мүмкүнчүлүгү, ошондой эле Кыргызстан Европа биримдигинин “кара тизмесинен” чыгарылгандан кийин Бишкек – Бухарест түз аба каттамын ачуу перспективалары каралды.