КҮНДҮН ЖАҢЫЛЫКТАРЫ

• Кыргызстанда “Жылдын мыкты мугалими” наамына 118 педагог күрөшөт. Агартуу министрлигинен билдиришкендей, сынак бардык облустардын жана Бишкек, Ош шаарларынын мугалимдери арасында жүрүүдө.

Мыкты окутуучуну аныктоо 18 номинация боюнча жүрөт. Анын финалдык этабы ордо калаада 22-24-сентябрь күндөрү өтөт.

 

• Мамлекеттик салык кызматы ишкерлердин жеке жактарга же үчүнчү жактарга катталган электрондук капчыктарды, QR-төлөмдөрдү жана башка накталай эмес төлөм жолдорун колдонуусу мыйзам бузуу болуп саналаарын эскертет.

Ведомстводон билдиришкендей, бардык накталай эмес төлөм каражаттары сөзсүз түрдө алардын ишкердигинде колдонуп жаткан жеке ишкердин же юридикалык жактын атына катталышы керек. Бул тең укуктуу атаандаштыкты түзүү жана көмүскө экономиканы азайтуу максатын көздөйт.

 

• Цюрих алтынчы жыл катары менен дүйнөнүн “акылдуу” шаары деп аталды. Рейцтингди эл аралык IMD бизнес-мектеби түздү. Мегаполис лидерлик позицияга бир нече көрсөткүч менен чыкты — саламаттыкты сактоо жана коомдук транспорттон баштап санарип инфраструктурага чейин.

Шаарда активдүү түрдө экологиялык жана технологиялык чечимдер кабыл алынууда. Андан кийинки орундарда Осло жана Женева жайгашат.