КҮНДҮН ЖАҢЫЛЫКТАРЫ

• Эми Кыргызстандын жарандары аралыктан добуш бере алышат

Борбордук шайлоо комиссиясы добуш берүү боюнча мыйзамдарга киргизилген өзгөртүүлөрдүн айрымдары менен тааныштырды. Алардын катарында аралыктан добуш берүү үчүн онлайн идентификацияны киргизүү бар.

Муну ишке ашыруу үчүн БШК уюштуруу иштерин жана программалык-техникалык камсыздоону даярдап, учурда тесттен өткөрүүдө.

Онлайн идентификация аркылуу ар бир жаран өзүнүн округунан сырткары каалаган жердеги шайлоо участкасынан аралыктан добуш берүү мүмкүнчүлүгүнө ээ.

 

• Эртең Бишкекте электр энергиясына карызы бар алты миңден ашык абоненттин жарыгы өчүрүлөт.

“Кыргызстан улуттук электр тармагы” ишканасы ыңгайсыздыктарга кабылбаш үчүн бересени өз учурунда төлөөгө чакырат.

Карызды электрондук капчыктар жана “Кыргызпочтасынын” бөлүмдөрүндө төлөсө болот.

 

• Москвада өткөн «Интервидение» сынагында кыргызстандык Nomad тобу экинчи орунду ээледи.

  21 өлкөнүн ырчылары күч сынашкан ыр таймашта вьетнамдык ырчы Дык Фук биринчи орунду алды. Жеңүүчүгө 30 миллион рубль жана Хрусталь кубок тапшырылды.

  Үчүнчү орунга Катардан келген Дана Аль-Мар татыктуу болду.

  Кийинки сынак 2026-жылы Сауд Арабияда өтө турганы кабарланды.