chevron_left
-
play_arrow
Авторадио Бишкек 107.8FM
КҮНДҮН ЖАҢЫЛЫКТАРЫ
-
play_arrow
КҮНДҮН ЖАҢЫЛЫКТАРЫ Диана Дуйшоналиева
- Бишкекте мамлекеттик кызматкерлерге жумушка жеке унаа менен келүүгө тыюу салуу сунушталды. Демилге парламенттин жыйынында көтөрүлдү.
Маалыматта белгиленгендей, муну менен шаардагы жол тыгынын азайтуу мүмкүн болмок.
Эске салсак, буга чейин Бишкек мэриясынын кызматкерлери аптанын эки күнү – шейшемби жана бейшембиде жеке жана кызматтык автоунаанын ордуна коомдук транспортту гана колдонууга милдеттендирилген. Бирок бул демилге азыр күчүндө же күчүндө эмес экени белгисиз.
- Кыргызстанда дарыгерлерге мамлекеттик ооруканада беш жыл иштебей туруп, жеке клиникада иштөөгө тыюу салынышы мүмкүн. Тиешелүү мыйзам долбоору Жогорку Кеңеште каралууда.
Демилге Саламаттык сактоо министрлигине таандык.
Документ жеке клиникаларда иштегенге чейин мамлекеттик ооруканаларда милдеттүү түрдө тажрыйба топтоо менен мамлекеттик мекемелердеги кадр тартыштыгын жөнгө салуу максатын көздөйт.
- 29-сентябрда Бишкектин айрым райондорунда ичүүчү суу өчүрүлөт.
Муниципалитеттен билдиришкендей, суу саат 9дан кечки 8ге чейин Анкара көчөсү, Аламүдүн дарыясы, темир жол линиясы жана Октябрь көчөсүндө жок болот.
Мунун себеби реконструкция иштерине байланыштуу. Шаар тургундары жана мекеме-ишканалар сууну алдын ала камдап алышы керек.
- Маанилүү иштер үчүн эң жакшы убакыт — түш чен, саат 11ден 13кө чейин. Дал ушул учурда мээ эң жогорку активдүүлүк менен иштейт: маалыматты эстеп калуу, экзаменди же жолугушууну ийгиликтүү өткөрүү жеңилирээк болот.
Мындай жыйынтыкка Италиянын окумуштуулары университеттерде өткөн 100 миңден ашуун оозеки экзаменди талдап чыгышкандан кийин келишкен.
Алар байкашкандай, эртең менен жана түштөн кийинки убакта когнитивдик жөндөмдөр төмөндөйт — чарчоо жана стресс натыйжаларга таасир этет.
