chevron_left
-
play_arrow
Авторадио Бишкек 107.8FM
КҮНДҮН ЖАҢЫЛЫКТАРЫ
-
play_arrow
КҮНДҮН ЖАҢЫЛЫКТАРЫ Диана Дуйшоналиева
- Туруксуз аба-ырайына байланыштуу айдоочуларга кайрылуу. Унаа жана жолдор министрлиги күндүн сууктаганына байланыштуу айдоочуларга кайрылып, жолдо сак болууну эскертет.
Ведомство тоо этектерине кар жаап, жолдор тайгак болорун белгилеп, ашуулар аркылуу өтө турган айдоочуларды дөңгөлөктөрүн кышкыга алмаштырууга чакырды. Ошондой эле жолдун каршы тилкесине чыкпай, ылдамдыкты ашырбай жүрүү сунушталат.
- Бишкекте Лев Толстой көчөсүнүн Садырбаев — Термечиков бөлүгүндө оңдоо иштери аяктады.
Тилке унаа кыймылына ачылды. Мэриянын маалыматына ылайык, бул жерде асфальттын жаңы катмары төшөлүп, тротуарлар иретке келтирилди, бордюрлар алмаштырылып, жаңы жол чийиндер түшүрүлдү.
- Кыргызстандыктар октябрь ичи мамлекеттик музейлерге акысыз кире алышат.
Бул тууралуу Маданият, маалымат, спорт жана жаштар саясаты министрлигинен билдиришти. 1-октябрдан 30-октябрга чейин Кыргызстандын бардык мамлекеттик музейлеринде “Ачык эшиктер айы” аталышындагы акысыз акция өтөт. Жарандар ошондой эле атайын экскурсияларга, тарыхый-маданий маршруттарга, лекцияларга жана чеберчилик-класстарга катыша алат.