chevron_left
-
play_arrow
Авторадио Бишкек 107.8FM
КҮНДҮН ЖАҢЫЛЫКТАРЫ
-
play_arrow
КҮНДҮН ЖАҢЫЛЫКТАРЫ Диана Дуйшоналиева
- Бишкекте кыргыз тилинде ката жазылып, өзү билемдик менен илинген көчө аталыштары, жарнама такталар алынууда.
Райондук администрациялар, муниципалдык аймактык башкармалыктар жана кварталдык комитеттер көчө аталыштарынын аншлагдарын текшерип, каталарды оңдоо, мыйзамсыз орнотулган жарнамалык такталарды алуу боюнча текшерүү жүргүзүп, рейд өткөрүүдө.
Буга чейин соцтармактарда “Токтогула”, “Касы-Малы Жантөшөв” деген ката жазуулар менен көчөгө илинген такталардын сүрөттөрү пайда болуп, катуу сынга алынган.
- Бишкекте Ауэзов көчөсүнүн бир бөлүгү оңдоо иштерине жабылат. Мэриядан билдиришкендей, анын Жибек Жолу проспектисинин Салиева көчөсүнө чейинки тилкеси калыбына келтирилет.
Бул жерде асфальттын жаңы катмары төшөлүп, тротуарлар жаңыртылат. Тыгындарды алдын алуу максатында айдоочуларга башка каттамдарды эртелеп пландап алуу сунушталат.
- Жаңы Зеландия тургуну дүйнөдөгү эң узун аты менен Гиннес рекорддор китебине катталды. Анын ысымы 2 миң 253 сөздөн турат. Буга чейин эркектин аты Лоуренс Уоткинс болчу, ал 1990-жылы ысымын өзгөртүү чечимин кабыл алган. Бирок жергиликтүү бийлик анын атын көргөндөн кийин баш тартышып, эркек соттошконго чейин барган.