chevron_left
-
play_arrow
Авторадио Бишкек 107.8FM
КҮНДҮН ЖАҢЫЛЫКТАРЫ
-
play_arrow
КҮНДҮН ЖАҢЫЛЫКТАРЫ Диана Дуйшоналиева
- Бишкек шаарын жана Чүй облусун газдаштырууга 66 субъектке жеңилдетилген насыя берилди. Каржы министрлигинин маалыматына ылайык, сумма 8 млн сомдон ашты.
Эске салсак, долбоор ушул жылдын апрель айында бекитилген. Аны ишке ашырууга эки мамлекеттик банк катышууда.
Кредиттөөнүн жалпы көлөмү 200 млн сомду түзөт.
- Бишкекте курулуп жаткан “Ырыс Ордо” конгресс-холлу курулуш иштери аяктагандан кийин мамлекеттик иш-чаралар менен катар коомдук максаттар үчүн да колдонулат. Бул тууралуу президенттин иш башкармалыгынан билдиришти.
Маалыматка караганда, объект ар түрдүү коомдук, маданий жана корпоративдик иш-чараларды өткөрүү үчүн берилет. Мындай чечим конгресс-холлдун өзүн-өзү каржылоо принциби менен иштешин камсыздоого багытталган.
Негизги имараттан тышкары, анын жанында сегиз заманбап конок үйү курулуп жатат жана жаңы парк түзүү да пландалууда.
- Данияда 15 жашка чейинки балдарга социалдык тармактар менен колдонууга тыюу салынышы мүмкүн. Бийлик гаджеттер жана соцтармактар балдарга терс таасир тийгизет деген пикирде.
Атайын изилдөөдө маалым болгондой, 11-19 жаштагы эркек балдардын 60 пайызында жашоодо достору жок. Тиешелүү мыйзам жаңы жылда күчүнө кирет.