chevron_left
-
play_arrow
Авторадио Бишкек 107.8FM
КҮНДҮН ЖАҢЫЛЫКТАРЫ
-
play_arrow
КҮНДҮН ЖАҢЫЛЫКТАРЫ Диана Дуйшоналиева
- Бишкектин Тоголок Молдо көчөсүндө убактылуу чектөөлөр киргизилди. Мэрия маалыматына ылайык, кечки саат 5ке чейин анын Чүй проспектисинен Фрунзе көчөсүнө чейинки тилкеси жабык болот. Чектөөлөр стадиондун кичи аренасынын ачылышына жана жаштар форумунун өтүшүнө байланыштуу киргизилди. Тыгындарды алдын алуу максатында айдоочуларга каттамдарын эртелеп пландап алуу сунушталат.
- Бишкек мэриясы Европа реконструкциялоо жана өнүктүрүү банкынын “Жашыл шаар” долбоорунун алкагында 95 заманбап автобус сатып алды. Бул тууралуу мэриянын басма сөз кызматы кабарлады.
Автобустардын бардыгы заводдон чыгып, Бишкекке жол тартты. Жаңы автобустар айлана-чөйрөгө зыянсыз болуп, энергияны үнөмдөө жана сапаттуу тейлөөнү камсыздай турганы белгиленет.
- Google корпорациясы Gemini аттуу чат-ботунун мүмкүнчүлүктөрүн кеңейтүүнү жарыялады. Эми ал Gmail каттарындагы жана Google Drive документтериндеги жеке маалыматтарды колдонуп, «терең изилдөөлөрдү» (Deep Research) жүргүзө алат. Бул тууралуу The Verge басылмасы кабарлайт. Компания бул функцияны эң көп талап кылынган мүмкүнчүлүктөрдүн бири катары мүнөздөп, эми Gemini жөн гана суроого жооп берүүчү эмес, толук кандуу изилдөөчү агент катары иштей аларын билдирди. Deep Research режими иштетилгенде, система алгач көп баскычтуу изилдөө планын түзөт, андан кийин бир нече веб-издөөлөрдү жүргүзүп, толук отчет даярдайт. Колдонуучулар бул отчетко кошумча маалыматтарды кошууну сурана алышат же даяр материалды Google Документ форматына же жасалма интеллект түзгөн подкаст түрүндө экспорттой алышат. Азырынча бул функция компьютерлерде гана жеткиликтүү, бирок жакынкы күндөрү мобилдик түзмөктөр үчүн дагы ишке кирээри айтылды.