chevron_left
-
play_arrow
Авторадио Бишкек 107.8FM
КҮНДҮН ЖАҢЫЛЫКТАРЫ
-
play_arrow
КҮНДҮН ЖАҢЫЛЫКТАРЫ Диана Дуйшоналиева
- 1-май күнү Бишкекте айрым көчөлөр убактылуу чектелет. Бул тууралуу мэриядан билдиришти. Маалыматка ылайык, ордо калаанын 148 жылдыгына арналган жазгы веложүрүш өтөт. Спорттук иш-чаранын маршруту Д.Асанов атындагы Жеңиш паркынан башталып, Чортеков жана Жайыл баатыр көчөлөрүнүн кесилишинен бурулуу менен «Газпром-балдарга» дене тарбия-ден соолукту чыңдоо комплексинен жыйынтыкталат. Буга байланыштуу эртең мененки саат 9дан 9:40ка чейин жогорудагы жолдор жарым-жартылай жабылат.
- Саламаттык сактоо министрлигинен билдиришкендей, 1-майдан 10-майга чейинки эс алуу күндөрү саламаттык сактоо уюмдары белгиленген тартипте иш алып барат. Медициналык мекемелерде күнү-түнү тез жардам көрсөтүлөт, шашылыш дарылоого муктаж бейтаптарды ооруканага жаткыруу үчүн керебеттердин резерви түзүлөт. Ошондой эле зарыл дары-дармек, медициналык буюм, кан компоненти жана алардын запастарынын жетиштүүлүгү камсыз кылынат. Үй-бүлөлүк медицина, жалпы дарыгердик практика борборлору жана үй-бүлөлүк дарыгерлер топторунда таңкы саат 8ден кечки 6га чейин нөөмөт уюштурулат, процедуралык кабинеттер күндүзгү саат 2ге чейин иштейт.
- Эртеңден тарта Бишкекте фонтандар иштей баштайт. Бул тууралуу мэриядан билдиришти. Маалыматка ылайык, учурда «Тазалык» муниципалдык ишканасы фонтандарды ишке киргизүүгө даярдап жатат. Белгилеп кетсек, ордо калаада жети жерде фонтан комплекстери бар.