КҮНДҮН ЖАҢЫЛЫКТАРЫ

12.05.2026 8

Бишкектин 2050-жылга чейинки башкы планы бекитилди. Документке министрлер кабинетинин төрагасы Адылбек Касымалиев кол койду. Пландын алкагында Бишкек 2050-жылга чейин 1,9 миллион калкы бар, ыңгайлуу, коопсуз жана экономикалык жактан туруктуу шаарга айланышы керек. Эми шаарда имарат курууда жана жер тилкелерин пайдалануу боюнча чечимдерди кабыл алууда башкы план сөзсүз эске алынат. Мурда даярдалып, бирок ишке ашпай калган курулуш пландары жаңы планга ылайыкташтырылат.

Бишкекте быйыл Пионер көлү реконструкциядан өтөт. Бул тууралуу калаа башчысы Айбек Жунушалиев Свердлов районунун жашоочулары менен жолугушууда билдирди. Мэрдин айтымында, буга чейин Комсомол көлү реконструкцияланып, ачылган. Кара-Жыгач багын өнүктүрүүгө шаар казынасынан 50 миллион сом бөлүнөт, зарыл болсо, сумма көбөйтүлөт, — деди Жунушалиев.
Apple сентябрда дароо 10 жаңы продукция тартуулайт. Bloomberg жазгандай, башкы жаңычылдык экиге бүктөлө турган iPhone болот, бул компания тарыхындагы алгачкы мындай смартфон болуп калат. Ийкемдүү смартфонду ойлоп табууда компания басымды корпустун бышыктыгына, жогорку кубаттуулугуна жана дисплейиндеги бөлүктүн билинбей калышына жасаган. Божомолдор боюнча жабдуунун баасы 2 миң доллардан жогору болот.