КҮНДҮН ЖАҢЫЛЫКТАРЫ

 

Кыргызстандын Эгемендүүлүгүнүн 35 жылдыгына арналган майрамдык иш-чараларды 200дөн ашуун энергетик үзгүлтүксүз электр энергиясы менен камсыздашты.Энергетика министрлигинен билдиришкендей, майрам күндөрү адистер күчөтүлгөн жана күнү-түнү иш режиминде кызмат өтөштү. Алар электр тармактарынын техникалык абалын текшерип, резервдик электр булактарынын даярдыгын камсыз кылышкан. Ошондой эле күтүлбөгөн кырдаалдар жаралган учурда ыкчам чара көрүү үчүн атайын ыкчам нөөмөт бригадалары тынымсыз нөөмөттө турушту.

 

 

Чыныгы көркөм адабиятты интернеттен эмес, «Ала-Тоо» журналынан табууга болот. Бул тууралуу аталган журналдын баяндамачысы, акын Элмира Ажыканова билдирди.Анын айтымында, социалдык тармактарда кыргыз адабиятынын толук баалуу чыгармалары дээрлик жок, болсо да кыска үзүндүлөр гана кездешет. Ал эми «Ала-Тоо» журналында улуттук адабияттын эң иргелген жана тандалган чыгармалары үзгүлтүксүз жарыяланып турарын баса белгилеп, адабият сүйүүчүлөрүн басылмага олуттуу маани берүүгө чакырды.

 

 

Ош шаарынын Ак-Тилек кичи районунда Жолон Мамытов атындагы жаңы сейил бак ачылды.Мэриядан билдиришкендей, эс алуу жайы шаардык капиталдык курулуш башкармалыгы тарабынан курулуп, заманбап отургучтар, балдар аянтчасы жана воркаут зонасы менен камсыздалды. Бул Ош шаарында акыркы алты айдын ичинде ачылган отузунчу сейил бак болуп калды.