КҮНДҮН ЖАҢЫЛЫГЫ

Бишкекте мыкты мугалимдерге батир, автоунаа жана акчалай сертификаттар тапшырылды

Бишкекте Билим берүү кызматкерлеринин күнүнө арналган салтанаттуу иш-чара өтүп, анда “2026-жылдын мыкты мугалими” шаардык сынагынын жеңүүчүлөрү сыйланды.

Биринчи, экинчи жана үчүнчү орундарды ээлеген 52 мугалимге 60, 80 жана 100 миң сомдук сертификаттар тапшырылды.

Мындан тышкары, №84 мектептин мугалими Нургүл Карыбековага Chevrolet Cobalt, №118 мектептин мугалими Жылдыз Белековага Chevrolet Tracker автоунаалары берилди.

Ал эми №31 мектептин музыка мугалими Нурбек Айдарбек уулу эң жогорку жыйынтык көрсөтүп, “Асман Резиденс” комплексинен бир бөлмөлүү батир жана үй-бүлөсүнө керектүү буюмдар үчүн 500 миң сомдук сертификат алды.

Учурда Бишкектин билим берүү мекемелеринде 12 миңден ашык педагог эмгектенет.