chevron_left
-
play_arrow
Авторадио Бишкек 107.8FM
новости
-
play_arrow
новости Диана Дуйшоналиева
- Бишкекте дагы эки көчөнүн кесилиши оңдоо иштерине байланыштуу жабылды
- Бишкектеги абоненттердин 97 пайызы ысык суу менен камсыз болду
- Кара-Сууда борбордук стадионду реконструкциялоо иштери башталды
- Бүгүнтөн тарта 10-июнга чейин Медеров менен Жукеев-Пудовкин, ошондой эле Медеров менен Элебаев көчөлөрүнүн кесилишинде унаа кыймылы чектелет.
Транспорттун эркин жүрүшүн камсыз кылуу үчүн Матросов көчөсү аркылуу айланма жол уюштурулат.
Жол тыгындарын болтурбоо максатында мэрия жарандарга өз багыттарын алдын ала пландап, жеке унаанын ордуна коомдук транспортту пайдаланууну сунуштайт.
- “Бишкекжылуулуктармагы” ишканасы ордо калаадагы абоненттердин 97 пайызын ысык суу менен камсыз кылды. Калган үч пайыз үйдүн жылуулук түйүндөрү жайгашкан жер төлөлөрүнө муниципалдык ишкананын кызматкерлери кире албайт.
Белгиленгендей, жөнгө салуу иштери жүрүп жаткан мезгилде айрым керектөөчүлөрдө ысык суунун температурасы убактылуу төмөндөшү мүмкүн.
- Кара-Сууда борбордук “Манас” стадионун масштабдуу реконструкциялоо иштери башталды. 1960-жылы курулган бул объект толугу менен жаңыланарын жергиликтүү бийликтен билдиришти.
Ага ылайык, оюн талаасы жаңыртылып, беш миң көрүүчүгө ылайыкталган заманбап трибуналар орнотулат жана айланасындагы инфраструктура иретке келтирилет. Айрыкча газондун сапатына көңүл бурулат.